Tuis Blad

Die Windhoek Afrikaanse Privaatskool (WAP) is ‘n ouerbeheerde onderwysinrigting wat sedert 1995 by die Ministerie van Basiese Onderwys, Sport en Kultuur geregistreer is om onderwys aan Graad 1 -12 te bied. Toelating tot die skool geskied binne die raamwerk van die Grondwet van die Republiek van Namibië.

WAP wil op 'n dinamiese wyse en vanuit die Christelike grondslag, leerlinge op alle terreine só voorberei dat hulle as volwaardige landsburgers in die samelewing kan uitstaan. Om dit te kan doen, word bekostigbare onderwys van 'n hoë kwaliteit in Afrikaans as onderrigmedium aangebied.

U sal hierdeur spesifieke inligting kan bekom oor wie ons is, ons embleme en erekode, ons skoolreëls, ons skooldrag en die buite-kurrikulêre aktiwiteite waarby ons leerlinge betrokke kan raak. U sal ook meer te wete kom oor die vakke wat leerlinge by ons kan neem en hoe ons evalueringsisteem en dissiplinêre sisteem werk. Indien u navrae het, sal u ook ons kontakbesonderhede daarin vind. Prospektus

U kan die aansoekvorm van ons skool hier aflaai. Voltooide aansoekvorms kan by die skool ingehandig word (Spitskop str 3, Eros in Windhoek) of u kan dit aan ons faks (+264 61 238664). Aansoekvorm

Omdat die leerlinge van Windhoek Afrikaanse Privaatskool elke dag binne die openbare sektor beweeg, is dit vir die skool belangrik dat 'n positiewe beeld uitgedra word. Om die rede word daar van leerlinge verwag om uiterlik en innerlik 'n trots vir die skool en vir elke ouerhuis te wees. WAP Kleredag

In terme van die wet, is WAP 'n vereniging sonder winsoogmerk. Hierdie skool ontvang geen subsidie van die staat nie en is ten volle verantwoordelik vir alle uitgawes, insluitend die salaries van die personeel. Skoolgelde

Ons versend die Wapport, ons skool se omsendskrywe, weekliks. Daardeur kan u deurentyd op hoogte bly met gebeure by die skool, aktiwiteite waarby ons leerlinge betrokke is soos bv sportbyeenkomste, prestasies asook algemene reëlings. U sal deurentyd enige van die laaste drie Wapporte wat uitgestuur is kan lees. Indien u egter inligting van langer as drie weke gelede wil naslaan, kan u gerus deur die argief blaai.
Wapport 39
Weeklikse nuus...lees meer
Wapport 38
Weeklikse nuus...lees meer
U kan die nuutste Adobe Acrobat Reader hier aflaai (est.20.4MB)