Meer Oor Ons

Ons doel is om al ons kinders by Treintjieskool met liefde en omgee te versorg. Ons uitstekend gekwalifiseerde personeel, ‘n professionele span, spesialiseer in pre-primêre onderrig en het ten doel om die kinders in ‘n veilige, geborge en gelukkige omgewing te rig en aan te moedig om hul volle potensiaal te verwesenlik. Met ‘n stewige Christelike grondslag sal ons kinders soos blomme in sonlig van krag tot krag groei en bloei.
Treintjieskool bied ‘n driejaarprogram aan. Kinders kan óf vir ‘n halwe dag inskakel óf in die nasorg vir die volle dag by Treintjieskool versorg word. Kinders wat nie Afrikaans magtig is nie, word in die Engelse klas geakkommodeer.

‘n Goed nagevorsde program word aangebied - daagliks deeglik beplan en georganiseer.
Streng standaarde word gestel om die veiligheid en gesondheid van die kinders te verseker.
Die personeel glo daarin om stewige bande tussen die skool en die ouerhuis te skep en in stand te hou. Omvattende terugvoering word aan ouers gebied.
Kinders ontvang individuele aandag terwyl hul toegelaat word om in groepsverband saam te werk en aan te pas.